Madamo sang mga nagareklamo sa karun nga mga pasahero sang traysikol nga nagabiyahe sa mga malayo nga barangay sang banwa sang Pontevedra matapos gin implementar ang social distancing agud malikawan ang COVID-19.
Basi sa mga pahayag sang mga sumalakay nga sa karun inde na sila makabiyahe dali-dali labi na gid kun kulang ang ila kwarta ilabi na gid ang mga trabahador nga sa iban nga lugar nagatrabaho kag naga pauli adlaw adlaw.
Sadtong wala pa ginpatuman ang social distancing nagapleti lamang sila halin sa Brgy. Antipolo pakadto sa Pontevedra proper ukon mag pa La carlota sang 20 pesos kada isa, subong akupar na ang sukot nga nagabalor sang 150 kag ang maximum nga pasahero tatlo sa tag 50 pesos sa kada isa.
Bangud sini ila ginatan-aw nga madamo sang mga pamilya nga magutuman tungod ang ila sweldo husto na gid lamang sa pleti pakadto kag papuli ukon kulang pa.
Sa pihak nga bahin nagakahangawa naman ang mga tricycle driver bangud bisan pa akupar sa presyo nga 150 pesos ang ila ginasukot inde gihapon ini makatrespaser sa ila kalan-on sa matag adlaw adlaw bangud diutay kaayo ang mga pasahero.
[image: image.png]
