Ginapasalig sang mga operators sang fast crafts nga wala sang pagsaka sa pletehan sa tion nga magbalik na ang ila byahe Bacolod-Iloilo vice versa.
Ginpahayag sa DYHB ni Metro Bacolod Chamber of Commerce and Industry (MBCCI) Chief Executive Officer (CEO) Frank Carbon kag operator sang Weesam Express, nga kun magbalik na ang byahe, indi sila magpasaka sang pletehan apang buhinan nila ang ila trips sa tagsa ka adlaw.
Ini bangud limitado lamang sa 50% sang carrying capacity sang mga fast crafts ang pwedi nga pasakyon bilang kabahin sang health standards nga ginapatuman sang gobyerno agud mapunggan ang paglapta sang COVID-19.
Wala pa man sang pat-od nga petsa kun san-o ang ila pagbalik sa byahe, apang suno kay Carbon, may posibilidad nga sa Hunyo 8, pahanugutan na ni Governor Eugenio Jose Lacson ang byahe sang fast crafts kun maubos na pauli sa probinsiya ang mga locally stranded individuals (LSI) gikan sa isla sang Panay.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
