Gihaya karon sa Cosmopolitan Funeral Homes ang Cagay-anon nga si PMA Cadet Darwin Dormitorio, 20 anyos, kinsa namatay sa Hazing sulod sa Philippine Military Academy kon PMA.
Nasayran nga basi sa migawas nga resulta sa medico legal nga gihimo sa biktima, hazing ug dili cardiac arrest ang gitudlong hinungdan sa kamatayon niini.
Sa gipagawas nga otopsiya sa biktima, migawas nga mibuto ang kidney niini tungod sa pag-torture nga nasinati.
Sa karon nagmando na si City Mayor Oscar Moreno og lawom nga imbestigasyon aron masilotan ang mga sad-an.
Samtang nagpagawas na og pahayag ang Baguio polis sa kamatayon ni PMA Cadet Darwin Dormitorio.
Matud sa Baguio polis nga sa ilang imbestigasyon, mireklamo sa pagpanakit sa tiyan ug pagsuka-suka ang biktima hangtud nga nakit-an kining patay sulod sa iyang room sa Mayo Hall Annex Miyerkules sa buntag.
Dugang pa sa Baguio polis nga unang gideklarang cardiac arrest secondary to internal hemorrhage ang gikamatyan ni Dormotorio, apan tungod sa internal bleeding nga nakita busa gipaimbestigahan ang tinuod nga kamatayon niini.
Sa karon hustisya ang buot nga maangkon sa pamilya nga nabiyaan ni Dormitorio.
