Gin-confirm ni Task Force Kasanag head – John Chiong sa interview sang DYHB nga na-release na sa Bacolod City Bureau of Jail Management and Penology (BJMP) si Police Master Sergeant Joshua Barile matapos nga maka-piyansa sang 200 mil pesos (P200,000) para sa iya temporaryo nga kahilwayan, Mayo 18.
Suno kay Chiong, isa ka dako nga pabor nga gintagaan tsansa sang korte nga maka piyansa (bail) si Barile para matagaan man sang oportunidad nga maka depensa sang iya kaugalingon sa kaso nga ginpasaka sa iya.
Dugang ni Chiong nga nagapati ini nga sa gihapon magapabilin nga lehitimo nga police officer ukon makabalik sa serbisyo si Barile bangud nga wala pa sang ginpamatbat (conviction) ang korte sa kaso nga gin-file sa iya.
Madumduman nga gin-dakop si Barile takna las 4:30 sang hapon, Abril 13 sa tinalikdan nga tuig sa Sharina Heights Subdivision, Barangay Taculing syudad sang Bacolod sang katapo sang National Bureau of Investigation (NBI) paagi sa warrant of arrest nga gin-issue ni (RTC-6) Regional Trial Court – Branch 6 Hon. Judge Fernando Elumba nga napetsahan Marso 25, 2019.
Kaso nga paglapas sa section 3 sang Presidential Decree (PD) 1866 ukon Illegal Possession of Explosives ang ginapangatubang sang amo nga pulis angut sa pagraid sang iya puluy-an sa Regent Pearl 2, Barangay Alijis syudad sang Bacolod kag nakuhaan sang kinarton nga armas, explosibo kag pila ka sachet sang suspected shabu sadtong bulan sang Septyembre 2017.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
