Malaybalay City, Bukidnon – Gilauman na matud pa Bukidnon Provincial Police Office kon BPPO nga ibalik ni Pangulong Rodrigo Duterte sa anti-illegal drugs operations.
Sa interview sa RMN Malaybalay ngadto kang PSI Jessel Longakit, ang tigpamaba sa PNP Provincial Command gibutyag niini nga maayo kini nga lakang tungod sa obserbasyon sa kapulisan nga nakusog na usab ang illegal drug activities ug tungod usab sa kakulangon sa personahe sa PDEA.
Nasayran nga gibutyag ni Pres Rodrigo Duterte nga ibalik sa PNP ang maong tahas aron maabagan ang PDEA sa pagsumpo sa naghitak nga gidiling droga sa nasud.
Matud usab ni Longakit nga sa pagkakaron naghulat pa sila sa operational guidelines gikan sa kampo krame aron masayran ang bag-ong direksyon ug pamaagi ko aduna man, alang sa pagpatuman sa war on drugs.
