Gipasigarbo sa Philippine National Police kon PNP – Bukidnon ang kalampusan ug maliawon nga kasaulugan sa Kaamulan Festival 2018.
Sa interview sa RMN ngadto kang PSupt. Arce Yam-oc, ang hepe sa PNP Planning and operations sa Bukidnon Provincial Police Office gibutyag niini nga generally peaceful ang mao nga kasaulugan ug walay mga panghitabo nga nakapatandog sa kahapsay ug kalinaw sa aktibidad.
Matud ni Yam-oc nga iyang ipanghambog ang mao nga kalampusan.
Sigun ninii nga ni-angay ug kontento usab daw ang katawhan nga nisulod sa capitol ground sa highlights sa aktibidad diin apil sa ilang hugot nga gibawal ang mga sakyanan nga musulod palibot sa mao capitol ground hangtod sa gabie.
Nasayran nga daghan usab ang mga public officials ug mga personalidad nga gikan sa kauluhan ang nakigduyog sa kalihukan.
Apil sa mga nibisita si Special Assistant to the President Sec. Bong Go, Senator Sonny Angara, Sen. JV Ejercito ug si Maguindanao Rep. Zajid “Dong” Mangudadatu .
