Gisiguro sa Bukidnon Police Provincial Office ang seguridad sa mga estudyante niining unang adlaw sa pagbukas sa klase alang sa school year 2019—2020.
Sa interview sa RMN ngadto kang Pol. Cpt. Jiselle Longakit, ang spokesperson sa PNP Provincial Command gibutyag niini nga nagpakatag sila ug mga police personnel ilabina sa mga dagkong mga tulunghaan.
Matud ni Longakit nga adunay mga police assistance desk nga gimontar sa mga tulunghaan.
Wala man usab daw’y kausaban sa ilang security measures sukad pa saunang mga katuigan.
Sigun ni Longakit nga gawas sa pagbantay sa seguridad, ila usab nga giyahan ang mga estudyante, mutabang sa dagan sa trapiko, ug muhatag tabang sa mga nanginahanglan sa isyung pangseguridad.
Facebook Comments
