Nimando ang hepe sa kapolisan sa lalawigan sa Sugbu nga si Police Colonel Manuel Abrugena ngadto sa Badian Police Station nga palabman ang imbistigasyon sa kamatayon sa usa ka 9 anyos nga batang lalaki sa lungsod sa Badian .
Ang bata nga si Def Leppard Siclahon , tinun-an sa grade 4, nakit-an na lang nga patay na ug nahikot sa duyan sud sa pinuy-anan sa uyoan niini sa Barangay Malhiao sa maong lungsod .
Ang amahan sa bata nga si Nerie Boy Agravante dili hinoon makatoo nga naghikog ang iyang anak busa nagpatabang kini nga mapalabman ang imbistigasyon sa pagkamatay .
Ang lawas sa bata ipaubos sa otopsiya aron paghatag ug katin-awan sa katahap sa amahan.
Nitug-an usab ang amahan nga ang iyang anak gustong mahimong pulis sa pagdaku niini kay idol niya si Coco Martin alyas Cardo Dalisay sa teleserye sa telebisyon.
