Gisiguro karon sa Bukidnon Provincial Police Office kon BPPO nga nagpabilin silang alerto bisan ug nahuman na ang semana santa 2018.
Sa interview sa RMN Malaybalay ngadto kang P/Supt. Arce Yam-oc ang hepe sa Bukidnon-PNP Planning and operations, gibutyag ninii nga kabahin sa ilang oplan summer vacation ang ilang hugot nga seguridad nga gisugdan nila niadtong Marso 26.
Matud niini nga daghan pa gihapon ang magbakasyon karon nga season ug mabiyaan ang ilang mga balay.
Mulungtad matud pa ang ilang alerto hangtod sa bulan sa Hunyo nga tingbukas sa klase.
Sulod usab daw dinhi ang daghan fiesta nga ipahigayon sa mga lokalidad ug nagsingabot nga Brgy. ug SK eleksyon.
Naghatag pa ug tips ang opisyal sa mga bakasyunista aron malikayan ang kawat.
Tambag niini nga kung mulakaw kinahanglan nga binlan ang panimalay ug makabantay o dili ba kaha ikandado ug ayo ang pultahan aron dili mabiktima sa kawatan.
