Kalibo, Aklan — Naghimo eon sangka resolution rong Poblacion Kalibo Barangay Council nga naga ayo sa Kalibo Sangguniang Bayan nga ideklara rong banwa it Kalibo nga under sa state of calamity bangud sa outbreak it dengue sa barangay.
Nakasaad sa resolution nga rong Barangay Poblacion hay gina recognize nga rong outbreak it dengue sa area nga kung sa siin may una eon nga namatay nga bata ag magueang nga residente.
Ginapahayag man nga rong dengue hay epidemic, malisod ma kontrol, maeomo ag madasig mag eapta kung sa siin ro miyembro it Sangguniang Barangay hay nag disider nga magpatigayon it house-to-house information dissemination kaibahan ro mga Barangay Nutrition Scholars(BNS) ag Barangay Health Workes (BHW).
Dugang pa nga rong Sanggunian hay naga ayo it bulig sa mga magiging biktima it nasambit nga masakit pinaagi sa pagprovide it mga bueong nga kinahangean matapos nga sanda hay magpakonsulta sa doctor partikular do mga pobre nga pumueoyo sa Poblacion Kalibo bangud raya rong sambilog sa mga dahilan nga ginapaiway nga magpakunsolta dahil uwa it pangbakae it bueong.
Nagapati man rong Sanggunian nga responsibilidad nanda nga mag provide it suporta sa mga residente nga apektado it dengue.
Ro nasambit nga resolusyon hay aprobado it Sanggunian.
Samtang sa pihak nga parte, kadungan ko nasambit nga resolusyon hay rong sambilog pa gid nga resolusyon nga magapatigayon it house-to-house information dissimination parte sa dengue awarness ro mga miyembro it Sanggunian kaibahan ro mga BNS ag BHWs.
