Nag-atubang na karon sa Administrative Investigation ang tanang police operatives sa Region 10 nga lakip sa drug buy bust operation kansang drug pusher namatay sa maong buy bust kay matud pa nisukol sa kapolisan.
Kini ang gibutyag ni Supt. Surki Sereñas, Spokesman sa Police Regional Office 10 sa interview sa dxCC-RMN.
Matud ni Sereñas nga ang Internal Affairs Service kon IAS sa Camp alagar mao ang mag-conduct sa Investigation batok sa mga police operative nga lakip sa drug buy bust kon dunay drug pusher nga mamatay sa maong operation.
Kini gibutyag ni Sereñas, human sa iyang unang reports nga mikabat na sa kapin 110 ka mga drug pushers sa Region 10, ang namatay sukad gilunsad sa Philippine national Police ang ilang kampanya batok sa illegal drugs.
Matud ni Sereñas nga ang investigation sa IAS usa lamang ka recommendation.
Giklaro ni Sereñas nga ang Investigation sa Regional office sa IAS basi usab sa reports gikan sa mga Provincial and City Internal Affairs Service sa kapolisan sa Region 10.
Gipasabot sa maong police official nga sa oras nga dunay drug pusher nga mamatay kay nanglaban atol sa drug buy bust operation mag-submit dayon ug reports ang Provincial and City IAS ngadto sa Regional office sa IAS sa Camp Alagar alang sa dugang investigation batok sa mga police operatives nga apil sa maong buy bust.
