Gimando ni Police Regional Office 10 o PRO 10 Director Police Brigadier General Rafael Santiago Jr. nga mas pahugtan ang seguridad atol sa State of the Nation Address o SONA ni Presidente Rodrigo Duterte karong adlawa.
Kini ang gibutyag ni PRO 10 Spokesperson Police Lieutenant Colonel Mardy Hortillosa sa interview sa dxCC-RMN.
Matud ni Hortillosa nga lakip sa gipahugtan nila sa rehiyon ang ilang offensive ug defensive mode.
Hugtan usab nila ang pagbantay sa mga lugar kung asa himoon ang mga rally karong adlawa.
Gidugang ni Lieutenant Colonel Hortillosa nga gawas sa pagbantay sa palibot ug mga raliyesta, mohimo usab sa ilang SONA 2019 Peace Rally Concert ang mga pulis, sundalo ug lain-laing ahensiya sa gobyerno sa Kiosko Kagawasan, Divisoria.
Facebook Comments
