General Santos City—Mapasalamaton si Police Senior Inspector Lemuel Enrijo, OIC Chief Of Police sa Police Station 4 human nga ilang nakuha ang duha ka mga major awards sa gipahigayong achievers awards sa General Santos City Police Office sa ikatulo nga quarter ning tuig 2017 nga gipahigayon sa nakalabayng gabie.
Sumala pa ni PSI Lemuel Enrijo nga pinaagi matud pa sa maayong pagdumala sa kanhing labaw sa maong estasyon nga si Police Chief Inspector Hoover Antonio nga anaa na karon sa Sarangani Provincial Police Office, naangkon nila ang maong award.
Kahinumduman nga gawas sa Best City Police Station sa GSCPO nakakuha usab ug individual awards ang pipila ka mga personahe sa maong estasyon tungod na usab sa ilang maayong performance sa ilang pagpanirbisyo sa ilang area of responsibility. (Dave Silagan)
