Police visibility ang kulang sa PN Roa National High School sa Barangay Canitoan ning syudad.
Kini ang gibutyag ni Dr. Jonathan Dela Peña ang Cagayan de Oro City Schools Division Superintendent tungod kay dili permanente nga makita ang presensya sa kapolisan sa maong dapit.
Giklaro usab ni dr. Dela Peña nga tungod sa insidente, aduna nay gihimong internal investigation ning panahona.
Dugang pa niini, nga dili usab niya mabasol ang mga gwardya sa PN Roa National High School kay sa kadaghan sa estudyante sa maong tunghaan duha lamang ang gabantay sa mosulod nga mga estudyante.
Gipahayag sa maong opisyal nga sa inisyal report nga iyang nadawat nga 3 meters gikan sa gate nahitabo ang insidente hinungdang wala kini nabantayan.
Leksyon matud pa nga angay panaminan sa tanan nga kanunay sigurohong maprotektahan ang mga kabataan ug masumpo ang mga gang nga anaa sulod sa nasangpit nga tunghaan.
