Mokabat sa 3.5 million pesos ang pondong gigahin alang sa pinakaunang planta sa Oolong tea dinhi sa nasud nga naa makita sa barangay Kalagonoy, Gingoog City Misamis Oriental.
Sulod sa unom ka bulan human sa groundbreaking, gibana-banang matapos ang pagpatukod sa processing center sa maong tsa-a ug mas dali na ang pag-produce sa Oolong tea nga ginabaligya sa mga mag-uuma matag adlawng Biyernes sa Farmers market sa kapitolyo.
Ning kasamtangan, ginabaligya ang Oolong tea sa kantidad nga tag one thousand pesos per kilo apan kung moagi na kini sa processing machine gikan sa Department of Trade and Industry o DTI, motaas ang presyo niini ngadto sa five thousand pesos per kilo.
Gipasabot ni Gob. Yevgeny Emano nga walay pangayoon ang provincial government sa kitaon sa Oolong Tea ug ihatag kini sa koopertiba sa mga mag-uuma sa Barangay Kalagonoy, Gingoog City.
