Pondo para sa dugang nga insentibo sang mga SRAA gold medalist sang South Cotabato kag pagtukod sang classrooms gin-aprobahan sang Provincial School Board.

Gin-aprobahan sang Provincial school board sa ginpatigayon nila nga pagsinapol sang tinalikdan nga adlaw ang dugang nga pondo para sa 78 ka mga SRAA gold medalists sang nagligad nga tuig nga nagalab-ot sa P582k.
Aprobado man ang P50k nga cash incentive para kay Hazel Damocom, grade 6 pupil sang Brgy. Rang-ay, Banga nga Palaro record holder sa patag sang long jump event.
May-angot sini, suno kay South Cotabato Schools Division Sports Coordinator Tyron Jann Villanueva makabaton sang dugang nga P2, 000.00 ang mga SRAA gold medalist sang probinsya kag P50k nga para kay Hazel Domocom nga separado ini sa iban pa nga insentibo nga ihatag.
Samtang lakip man sa naaprobahan sang Provincial School Board ang 2-classroom building sang Carlos Llasos Sr. Extension (Kataan ES Ext.) sa Brgy. Derilon sa banwa sang Banga nga nagakantidad sangP2.4M, 2-classroom building para sa Lamfinek Extension (Ubo Ext.), Brgy. Lamfugon, Lake Sebu kag Day Care Center in Sitio Tahingled, Brgy. Datal Dlanag sa banwa sang T`boli.