Nagpangayo sila sang dugang nga pondo para sa pagkaon sang mga inmates suno kay Warden Juan Lansaderas tungod sa posibilidad nga kulangon ang gin-alokar nga pondo para subong nga tuig bangud sa pagdamo sang numero sang mga bilanggo sa Rehabilitation and Detention Center nga malapit na lang nga magalab-ot sa 1,600.
Suno kay Warden Lansaderas sa sulod lang sang isa kaadlaw makakonsumo ang mga inmates sang 14 kasako sang bugas amo nga indi makaigo ang pondo nila para sa pagkaon tubtob magtakop ang tuig.
May-angot sini nagalab-ot sa singko milyones ka pesos ang ila ginpangayo sa naaprobahan nga supplemental budget number 2 subong nga tuig suno kay Warden Lansaderas nga magakadto naman angiban nga pondo sa pagkaayo sang ginatig-angan sang mga inmates kag iban pa.
Samtang sa pamangkot kon may posibilidad nga maglab-ot pa sa duha ka libo ang numero sang mga inmates sa Provincial Jail sa masunod nga tuig suno kay Lansaderas magadepende ini sa kapisan sang mga utoridad.
