Gibutyag karon ni kernel Virgilio Hamos Jr. Nga sakop sa 53rd infantry matapat battalion nga naka base sa lungsod sa Guipos, nga gipalapdan na nila ang ilang area of coverage ilabi na sa pakigbatok sa mga rebeldeng grupo. Gani sakop na nila karon ang lima ka lungsod dinhi sa atong probinsya sa Zamboanga del norte.Gilangkuban kini sa lungsod sa Katipunan, Roxas, Jose Dalman, Osmeña ug sa Siayan. Kini matod pa ni kernel Hamos nga ang nahisgutan nga mga lungsod adunay daghan nga mga rebeldeng NPA. Sa kasamtangan ila karon nga gipangita si ka Tata Maglasang nga anaa naka base sa Lungsod sa Dumingag Sa pagkakaron ang Company Comander sa nahisgutan nga mga lungsod nga ilang naskupan mao si 1LT Sotero Abrito. Sa nahimong pakighinabi niining inyong tigbalita ngadto kang Kernel Hamos gibutyag niini nga ang labing bangis nga grupo nga naglihok karon sa atong probinsya mao ang Men Regional Guerilla Unit (MRGU) nga dili mo ubos sa 60 kabuok ug aduna kini mga tag-as nga armas, sarang maka himo ug pagpanghasi sa lugar nga ilang maadtoan. Giawhag nalang karon ni kernel Hamos ang katawhan nga kung adunay makita nga kadudahang mga tawo gilayong motaho sa mga awtoridad ilabi na sa armadong kusog sa pilipinas.
