Davao City – Nahimo nang responsable ang katawhan karon sa pagresponde sa panawagang ‘preemptive and forced evacuation’ matag higayong adunay kalamidad.
Sumala ni Rodrigo Bustillo, Operations Chief sa Davao City Disaster Risk Reduction and Management Center (DCRRMC), nasinatian nila kini niadtong nakalabay’ng pagtaas sa level sa tubig sa kasapaan sa Lasang, Bunawan ug Davao River.
Matud ni Bustillo, sa gihimong sunod-sunod nga mga training, seminars ug nasinatiang mga pagbaha, nakaamgo na ang mga tawo kung unsa ka mahinungdanon ang pagpangandam sama sa ipatumang preemptive and forced evacuation.
RadyoMaN Bernard Pantallon
Facebook Comments
