Kumpirmado nang motambong si Presidente Rodrigo Duterte sa groundbreaking alang sa tukurong Cebu-Cordova bridge karong Marso 2.
Kini maoy gitug-an ni Presidential Assistant for the Visayas Michael Dino.
Una niini, si Cordova Mayor Mary Therese Sitoy-Cho namahayag nga ilang ihinayon ang groundbreaking, motambong man o dili si presidente Duterte.
Matod ni Dino, nga motambong gyud ang presidente sa maong kalihukan, diin gilauman kining moabot sa alas-3:00 sa hapon sa mao nga adlaw.
Nasayran nga gikan sa P17 billion nga pondo, misaka na ang kantidad niini ngadto sa P22 billion diin gilauman nga makatabang kini aron sa pagpaluag sa traffic situation sa Metro Cebu.
Ang Metro Pacific Tollways Development Corporation (MPTDC) ang kontraktor sa 4.76 kilometros nga taytayan ubos sa Public-Private Partnership project.
Duna hinoo’y bayran nga toll fee sa pag-agi sa bridge diin himoon ang groundbreaking sa brgy. Pilipog, lungasod sa Cordova.
Presidential Assistant for the Visayas Michael Dino, President Rodrigo Duterte, MPTDC
Facebook Comments
