Presidente nan PCL Surigao del Norte tag-awhag an kadagkuan sa PNP ug PDEA na mohimo nan imbestigasyon sa Siargao sa mga langyaw na posible nogamit sa illegal na droga

Sumaya pa nan Phil. Councilor’s League o PCL President Marlon Coro, nakadawat sija nan impormasyon ug mga hulagway pinaagi online ug may titulo pa na drunken carabao kalabot sa mga langyaw na hubo, wayay mga sapot, sakay sa karabaw nagsuroy-suroy sa Siargao.
Tagtudlo niini, sa sumbong na tagpaabot posible na naggamit sa illegal na droga an mga foreigners ugsa na waya nay kasipog sa paghubo tanan. Taghimo nila an paghubo sa ila sapot samtang high an mga ini sa illegal na droga.
Sa ini na panghitabo, tagtakda na mohimo si Coro nan koordinasyon ngadto sa PNP Prov’l. Director ug sa nanguyo nan PDEA diri sa probinsiya para sa dugang aksiyon ug pagpalapad sa kampanya batok illegal na droga sa Siargao.