General Santos City— Sikop sa gipahigayong buybust operation sa Police Station 4 ang usa sa duha ka mga target sa operasyon alas 2 pasado ang takna sa kadlawon sa may Botanic Compound, Brgy. City Heights ning dakbayan.
Giila ni Police Senior Inspector Lemuel Enrijo, OIC station commander sa Police Station 4 ang mga target nga silang Royslan Jay Retiza Abapo, 19 anyos ug Edwin Moralde hamtong ang pangidaron nga samang residente sa Botanic Compound, City Heigths.
Sumala pa nga nakabantay ang duruha nga police ang ilahang ka-trasaksyon rason nga nakadagan si Moralde ug si Abapo lang ang nadakpan sa kapulisan.pga-angkon ni PSI Enrijo nga wala sa ilahang watchlist ang nahisgutan gumikan bag-uhay lang kining na-identify nga lambigit sa illegal nga droga.
Samtang hugtanong gipanghimakak sa dinakpan nga si Abapo nga iyaha ang illegal nga droga nga nakuha gikan kaniya gumikan igo lang matud pa siyang naangin s amaong operasyon ug gitrangkahan sa higalang si Moralde aron nga dili makagawas ug maoy masikop sa otoridad.
Panghimakak niini nga wala siya nagagamitan ug nagabaligyaan ug illegal nga droga ug wala siya nasayud kung asa gikan ang maong droga. Sa karon, ginahikay na ang kasong pagsupak sa Sec. 5 sa R.A 9165 ang nahisgutan nga kasamtangang balhog na sa lock up cell sa Police Station 4.
