South Cotabato- padayon pa karon nga gihimong imbistigasyon sa Koronadal City Police Station kalabutan sa gikaingong pagpangulata sa preso sa sama niining preso sa ilang lock-up cell niadtong nakalabyang simana.
Nasayran nga nakaangkon ug bun-og ug samad ang inmate nga si Philip Padrones, 24-anyos, residente sa Purok Rosal, Barangay Namnama, Koronadal City.
Subay sa reklamo sa inahan sa inmate nga si Rosemary, natingala nalang siya dihang pag bisita niini niadotng Domingo sa iyang anak, naputos ug bun-og ug samad ang nawong niini.
Gikaingong naginum matud pa ang mga inmate niadtong tungura tungod nagsaulog sa iyang adlawng natawhan ang usa pa ka piniriso apan dihang nahubog na nagkalalis ang mga nahisgutan nga misangko sa pagpangulata.
Hilabihan kasuko ang gibati sa mga kabanay ni Padrones tungod wala manlang nabantayan sa mga pulis nga gikulata na diay ang iyang anak.
Human nga mireklamo nag saad ang hepe sa Koronadal PNP nga iyang paimbistigahan ang nasangpit nga insidenti.
