Magataas naman ang presyo sang diesel kag kerosene sa karon nga una nga semana sang Mayo suno sa mga taga-Industiya.
May ginalauman nga pagtaas nga 30 tubtub 35 sentimos kada litro ang diesel kag kerosene.
Samtang wala naman sang ginalauman nga pagtaas sa presyo sang gasoline sa maabot nga semana.
Ang pagsipa sa oil demand sa Estados Unidos, Europa kag Tsina ang kabangdanan sang pagtaas sang presyo sang produktong petrolyo.
Apang mas napanubo pa ang ginalauman nga pagtaas sang presyo bangud sa pagtaas naman sang coronavirus disease cases sa India, Brazil kag Japan.
Facebook Comments
