Principal sang Jaro NHS sa Iloilo City, nagbayolar sang No Collection policy sa enrolment

ILOILO CITY – Imbestigahan kag mahimo masuspende ang principal sang Jaro National High School sa paglapas sang mandu nga NO COLLECTION sa tion sang enrolment.
Ini matapos nagpalab-ot sang reklamo ang pila ka ginikanan sa RMN Iloilo angot sa pagsukot sa ila sang 350 pesos sa diin indi ma-enrol ang ila bata kon indi makabayad.
Suno kay Department of Education Asst. Regional Director Victor de Gracia, Jr., patakaran sang DepEd ang free basic education kag kon may balayran sa red cross, boy scout kag iban pa, ini ang voluntary lamang kag indi dapat pagsukton dungan sa enrolment.
Nahibaluan nga ang principal sang Jaro National High School amo si Dr. Belinda Dinopol.