EB MAGALONA – Ginbawian sang iya kabuhi ang isa ka 41 anyos nga soltero nga priso matapos ini nga naghikog sa sulod sang CR sang custodial facility sa E.B. Magalona Police Station.
Ang biktima ang ginkilala kay Allan Bolivar , residente, sang Bangga Saging, Purok Maligaya, Barangay Damgo.
Nahibaluan nga ang suspetsado ang nadakpan kahapon sa ginpatigayon nga drug buy bust kag gindala ini sa Iloilo City kag ginbalik man gilayon sa E.B.Magalona pagkahapon kag ginsulod sa prisohan.
Pasado las 8 kaina sang aga nasapwan na lamang ini sa sulod sang CR nga nagakabit sa rehas.
Gingamit sang biktima ang iya gin-uba nga green nga bayo kag ginsugpon sa short para ihigot ini sa rehas kag sa iya nga liog.
Ginpatawgan pa sang rescue kag gnpasuksukan sang short sa diin gindala ini sa Municipal Health Center apang gindeklara nga patay ni Dr. Edmundo Janeo.
Ang bangkay ni Bolivar ang ara subong sa Pasaporte Funeral Homes sa Poblacion 2.
