BACOLOD CITY – Kapin 33 ka mga tawo ang gindakup bangud ini sila ang illegal nga naga-panahor sa isa ka bilasyunan kagab-i sa Brgy. 12 Bacolod City.
Ginpahayag nga ang amo nga mga persona ang nadakpan sang mga katapo sang Police Station 1 sa pagpamuno sang station commander sini nga si PCI Jovil Sedel sa akto nga naga-panahor may mga las 11:30 kagab-i sa Purok Masinadyahon, San Juan Street, ciudad sang Bacolod.
Suno sa report, ang 33 ka nadakpan ang nagahampang sang mahjong kag tong-its sa isa ka bilasyunan sa amo nga lugar.
Nahibaluan nga gindakup ang amo nga mga persona matapos nga sige gihapon ang ila panahor apesar nga nalubong na ang patay sa bilasyunan.
Nakuha sa ila possession ang kapin P1,631 pesos nga bet money lakip na ang baraha kag mahjong set.
Ini sila ang naga-gutok karon nga naka-detained sa custodial facility sang Police Station 1./dyHB BACOLOD
