Gimando-an na ni PNP Chief Director General Oscar Albayalde ang kapolisan sa Northern Mindanao nga mintras sayo pa ila nang sugdan ang kampanya pagbungkag sa mga private army sa mga politiko ug gun for hire gang syndicate dinhi sa Region 10.
Kini nga mando gipadayag ni Albayalde atol sa iyang pakigpulong sa ika 117 ka tuig nga Anniversary sa Philippine National Police Service nga gisaulog kagahapong adlawa sa kampo alagar.
Gusto ni Albayalde nga ilang ipakita sa publiko nga malinawon ang political exercises pinaagi sa election sunod tuig.
Apan matud ni Albayalde nga samtang ilang ilunsad ang ilang kampanya batok sa mga private army ug Gun for hire syndicate Gang kinahanglan ipadayon gihapon sa kapolisan ang ilang kampanya batok sa illegal drugs.
Gidugang ni Albayalde nga seryoso ang iyang liderato sa PNP sa pagpatuman sa Cleansing Process sulod sa PNP Organization.
Tungod niini, gitahasan ni Albayalde ang kapolisan sa Region 10 nga ilang lakagon ug dakpon ang si kinsa mang mga police officers nga tigbaligya ug protektor sa illegal drug.
Gipasabot ni Albayalde nga ang iyang liderato sa PNP dili mobati sa bisan gamay na lamang nga kalooy batok sa korakot nga mga pulis labi na kadtong mga police officers nga protektor sa gidiling druga.
Sa mao gihapon nga Okasyon, pormal nang gibuksan ni Albayalde ang Clean Rider Program sa kapolisan kagahapon sa Camp Alagar.
Atol sa Ceremony, gipangonahan ni Albayalde ang iyang ceremonial nga pagpilit sa PNP Sticker sa usa motorsiklo kansang tag-iya niini komplito sa mga government documents.
Giangkon ni Albayalde nga ang Clean rider Program sa PNP dili maoy solusyon alang sa hingpit nga kasulbaran sa krimen apan ang maong programa iyang gitohoan nga makapa-ubos sa mga kaso sa Riding in Tandem Incident
Samtang gibutyag ni Police Regional Office 10 Spokesman Supt. Surke Sereñas nga kadtong mga tawo nga dunay motorsiklo ug gusto makakuha og PNP sticker mo-apply lang sa labing duol nga police station.
