BACOLOD CITY – Wala sa gihapon natumod kon sin-o ang mga armado nga tawo nga nagsulod sa compound sang private resort nga ginapanag-iyahan sang negosyante nga si Ian Lo las 9 kagab-i sa Sitio Las Altas, Purok 12-A, Barangay Alangilan.
Sa imbestigasyon sang Station 5, nagpabalo sa ila si Johnny Olarte, 52 anyos nga may ara sang insedente sa amu nga lugar, matapos nga ginpabalo man sya sang taga-Cebu nga Building Manager nga si Briexcell Martinez, 33 anyos.
Naatubang pa ni Martinez ang ang mga armado, rason nga ginkuha ang iya nga cellphone kag ginkakas ang simcard.
Pagsaysay ni Olarte, nga basi sa mga tawo sa amu nga tion, mga 27 ka mga armado ang ara sa palibot, apang lima lang ang nagpakita malapit sa building.
Nabatian pa nga may isa nga nagtawag sa madulom nga bahin sang lugar sa ila ginakilala nga kumander.
May ara sila sang ginapangita nga tawo kag mga armas. Apang wala man sang mga armas ang atu didto, rasun nga ginpangbuka sang mga armado ang glass window gamit ang kahoy kag bato kag ginsunog ang wooden portion sang isa ka pwertahan.
Ang propedad ang ginapanag-iyahan sang pamilya ni Mayor Evelio Leonardia apang ginsiling may portion nga nabaligya kay Ian Lo.
Pila sa mga anggulo nga nakit-an amu ang kainit sang daan contructor sang building lakip man hisa hisa rasun nga may ara sang pamahog nga natabo.
