Gikalipay ni Police Regional Office o PRO 10 Director Police Chief Supt. Timoteo Pacleb ang pag-ubos sa krimen sa Northern Mindanao.
Matud ni PRO 10 Spokesperson Police Supt. Surki Serenas nga base sa record sa kapulisan niabot sa 40.27 percent ang pag-ubos sa krimen sa rehiyon.
Nasayran nga niubos sa halos lima ka libo nga insedente sa krimen ang 2018 kumpara sa tuig 2017 nga natala gikan Enero hangtud Hunyo.
Gibutyag ni Director Pacleb nga ang record nagpakita nga maayo ang crime prevention programs sa kapulisan.
Tungod niini, gipasalamatan ug gidayeg sa director ang tanang personahe sa PRO 10 ug giaghat nga ipadayon ang pagpaningkamot aron makab-ot ang crime and drug free Northern Mindanao.
Facebook Comments
