PRO XI RD Silo gipasalig nga walay special treatment kang Pepino

723
Davao City – Gipanganti ni Police Brigadier General Benjamin Silo Jr., Police Regional Office XI Regional Director nga mamahimong patas ang imbestigasyon sa nahitabong shooting incident sa gawas sa usa bar sa J. Camus Extension, Brgy. 9-A, Davao City niadtong Sabado diin usa ka 19 anyos ang namatay sa insidente.

Sa eksklusibong interbyu sa DXDC RMN Davao kang Silo, gikumpirma niini nga ang suspek
nga si MARVIN REY ANDREW ROFLO PEPINO, 31 anyos, Non Uniformed Personnel (NUP) ug doktor sa Camp Quintin Merecido Hospital sa PRO XI.

Sumala ni Silo, walay special treatment ang pulis ngadto sa suspek.

“That is the mandate of the Philippine National Police, we have to do our job without fear or favor. We will treat him as an ordinary suspek who commits crime,” matud ni Silo.

Giandam na ang kasong ipasaka sa piskalya batok sa suspek.

Giila sa PNP ang 19 anyos nga biktima nga si AMIER MANGACOP, kinsa namatay human makahiagom og daghang mga samad pinusilan sa lawas.



Gibutyag ni Silo, subay sa ilang mandato kung adunay mga personaheng madakpan ipailawom una kini sa automatic leave samtang nagpadayon pa ang imbestigasyon sa kaso.

Subay niini, laumang magpagula ang Davao City Police Office ( DCPO) og update sa ilang imbestigasyon sa insidente, karong adlawa (lunes) Hulyo 4, 2022.


RadyoMaN Aimee Guinita

Facebook Comments