Ginpasalig ni Governor Eugenio Jose Lacson nga sundon nila ang ginaduso sang city government sang Bacolod nga maga-require sa gihapon sang travel authority sa mga pasahero gikan sa Panay nga magasulod sa ciudad sumugod sa Hunyo 16, 2020.
Ini sa pihak sang nahisugtan sang mga opisyales sa Region 6 sang damlag pa nga indi na mag-require sang travel pass sa mga pasahero sa inter-island travel sa rehiyon sumugod sa Hunyo 16. Suno kay Gov. Lacson, kun ini ang luyag sang Bacolod magasunod lamang sila bangud ila na ginatugyan sa city government ang pagbantay sa Bredco port nga isa man sa mga entry point sa probinsiya kag ang provincial government naman ang magabantay sa Bacolod Silay Airport.
Samtang, gn-anunsyo ni Lacson, nga ang mga pasahero nga nakabakal na sang ticket para sa commercial flights sa Hunyo 16, pwedi sila makasakay sa sweeper flights nga gin-facilitate sang provincial government. Apang limitado lamang sa mga Negrense ang sweeper flights sa masunod nga semana.
Sa pihak nga bahin, nag-request na si Lacson nga untaton anay ang pagpapauli sang mga locally-stranded individuals (LSI) gikan sa Cebu bangud sang mataas nga numero sang kaso sang Covid-19 sa amo nga probinsiya kag ang pila man ka mga LSI nga nagpauli sa Negros Occidental, ang nag-positibo sa virus.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
