Gipanghinaut sa probinsiyal nga kagamhanan sa Lanao del Sur nga magamit sa gobyerno ang Martial Law aron maresolba sa hingpit ang rido o away sa matag pamilya sa dapit ug mamintinar ang kahusay ug kalina w sa dapit.
Kini maoy pamahayag ni ARMM Assemblyman Zia Alonto- Adiong human mahitabo ang pinusilay tali sa duha ka pamilya sa lungsod sa Bacolod Kalawi niadtong Enero 5 sa hapon.
Lima ang samaran matud pa sa report sa Joint Task Force Ranao, nga gilangkuban nila ni Hisam Pukunum Dipatuan, 34 anyos, sa Dipatuan nga side; samtang sa Amanodin side, samaran sila si Abdulbarie Macaborod, 22 anyos; Samsudin Malawad, 41; Casain Pangcoga, 55; ug Jamel Panggoga, 35 anyos.
Gihangyo ni Adiong ang AFP ug ang PNP nga pahugtan ang partnership tali sa civilian authority pinaagi sa hugtanon nga koordinasyon ug pakigtambayayong sa mga peace resolution initiaves kauban ang mga community leaders ug mga local government units.
Niini nga paagi, matud pa ni Adiong, masabtan ug ma-appreciate ang mga cultural dynamics nga gikinahanglan aron ma-resolba ang mga rido.
Angayang tan-awon sa matag sektor niini nga paningkamot ang pagwagtang sa away tali sa matag pamilya, dili lamang pinaagi sa pag-imposar og temporaryo nga ceasefire apa n malungtaron nga kalinaw.
Usa na niini ang pagsiguro nga mabawi sa gobyerno ang mga i halas nga armas nga maoy gamit sa matag pamilya sa ilang away.
Sa pag-responde sa militar ug sa kapulisan sa nahitabong pinusilay sa Bacolod Kalawi, nabawi sa mga utoridad ang klase- klaseng mga armas sama sa M14 r iffles, M16, cal.22, 13 ka mga bala sa M203, ug uban pang mga bala sa armas.
Ang PNP sa LDS nagpahigayon sa ilang manhunt operation, matud pa ni ARMM PNP Regional Director Chief Superintendent Graciano Mijares, apan wala pay update kung aduna nay na- aresto sa mga suspek nga naka-ikyas, gawas sa mga samaran nga nalambigit sa maong pinusilay. (Divina Suson)
