Gipaabot sa mga residente pinaagi sa RMN-DXCC ang sistema sa panubig sa Barangay Carmen ning syudad.
Kini human nga naglapok-lapok ang area tungod sa posibleng leakage sa mga tubo nga gikan sa Cagayan de Oro City Water District kon COWD.
Matud ni Jong Batar ang General Manager for Admin Services sa COWD nga iya kining ipatan-aw sa maintenance staff sa ahensiya aron nga maaksiyunan.
Dugang pa ni Batar nga posibleng leakage kini nga wala nila mabantayi hinungdan nga iyang ipasusi ang area.
Gireklamo sa Zone 2, Barangay Cugman ning syudad ang pagwala-wala sa sistema sa panubig sa area.
Nasayran nga igo lang moagas ang tubig sa kadlawon ug subli na usab nga mawala.
Tungod niini, apil kini nga ipasusi ni Batar aron nga masusi ang sitwasyun sa area.
