PROBLEMA SA WATER SUPPLY SA BALETE PAGASOLUSYUNAN

Kalibo, Aklan – Pagasolusyunan it Metro Kalibo Water District ro problema it Baleten-on sa water supply.
Sa ging patigayon nga committee hearing it Aklan Sangguniang Panlalawigan Committee on Energy,
Public Utilities, Transportation and Communications ag Committee on Environmental Protection
ginhinyo ni MKWD General Manager Edmund Peralta ro bulig it Lokal nga Gobyernno it Balete nga
paliwanagan ro mga pumueoyo ko andang ginahimo makaron nga augmentation pipe laying.
Rayang dugang nga tubo ro makatao it solusyon suno kay Atty. Edmund Peralta sa poor water supply it
Balete pero ro pilang ka pumueoyo indi magsugot nga mag agi ro andang tubo.
Nag commit man it kooperasyon ro opisyales it LGU Balete.
Ro nasambit nga committee hearing hay ging schedule bangud sa petition letter it 160 ka bag-ong eliher
nga mga Barangay ag Sangguniang Kabataan Officials it banwa’t Balete may kaangtanan sa poor water
services kanda it Metro Kalibo Water District.