Giaprobahan sa mga membro sa Provincial Development Council o PDC sa pagpanguna ni Bukidnon Provincial Governor Jose Ma. R. Zubiri, Jr. ang mokabat ngadto sa ₱4,101,076,762.00 isip Proposed Annual Investment Program for the Year 2021. Ang maong panagtigum gitambungan usab ni Vice Governor Rogelio N. Quiňo, mga representante sa mga kongresista sa 4 ka distrito, Board Members, mga mayores sa 20 ka lungsod ug duha ka syudad, Department of Interior and Local Governmento DILG, National Agencies representatives, Non-Government Organization representatives, ug Head of Offices sa probinsya ug uban pang mga membro niini nga gipahigayon sa Kaamulan Folk Arts Theater, Kaamulan Capitol Compound, Malaybalay City sa Setyembre 16, 2020.
Ang maong Proposed Annual Investment Program sa tuig 2021 nabahin sa mga musunod:
• General Administration and Public Services- ₱1,134,197,295.00 • Economic Services- ₱616,370,739.00 • Social Services- ₱419,020,473.00 • Health Services- ₱1,287,292,903.00 • 20% Development Fund- ₱1,287,292,903.00 Total (General Fund) ₱4,101,076,762.00
Gibutyag ni Gov. Zubiri nga magpabilin ang iyang financial assistance nga mokabat ngadto sa 30 milyones ka pesos matag munisipyo ug 50 milyones ka pesos sa 2 ka syudad ilabi na sa mga proyekto sa imprastraktura ug sa pagmintenar niini, ug sa pagmintenar sa mga kadalanan ug tulay sa mga kaBarangayan sa tibuok probinsya diin ang atong probinsya lamang ang nagpahigayon niini.
Gigahinan usab sa iyang administrasyon ug pondo ang livelihood program sa mga pinakakabus sa probinsya sama sa seeds and fertilizer distribution ug mga programa sa agrikultura ug mga programa para sa mga lumad.
Human naaprobahan ang Proposed Annual Investment Program for Fiscal Year 2021 sa PDC, kinahanglan una kining aprobahan sa hawanan sa Sangguniang Panlalawigan sa dili pa matapos ang bulan sa Setyembre aron kini mamahimo nang opisyal nga Annual Investment Program sa Probinsya sa Bukidnon sa tuig 2021.
