Gipasabot sa Philippine Statistics Authority o PSA Region 10 ang mga proseso ug requirements sa pagkuha sa mga civil registry documents pinaagi ni Ma’am Virgie Gayla, Registration Officer IV sa PSA.
Atol sa programang dxCC Express sa dxCC-RMN Cagayan de Oro, gibutyag ni Gayla nga una, gikinahanglan sa katawhan ang pagkuha ug pagfill-up sa forms nga makita gawas sa PSA.
White forms alang request sa birth certificate, pink forms alang sa Marriage certificate, Green forms alang sa Certificate of No Marriage ug Yellow forms alang sa death certificate.
Alas 5 pa lang sa buntag duna nay ipanghatag nga mga priority numbers ug alas 7 sa buntag sugdan na sa PSA ang pagdawat sa mga request.
Sunod nga himoon ang pagbayad diin ang request alang sa birth certificate, marriage certificate ug death certificate dunay bayad nga 155 pesos samtang ang certificate of no marriage dunay bayad nga 200 pesos.
Ikatulo, ang gipangayong dokumento makuha sa window 8 and 9.
Gipahinumdum usab sa PSA nga gikinahanglan ang pagdala sa valid ID sama sa voters ID sa COMELEC, driver’s license, SSS ID, GSIS ug uban pa.
Kung walay valid ID pwede rang dalhon ang NBI clearance, Police Clearance or certification gikan sa Barangay.
Kung dili ang tag-iya ang magkuha gikinahanglan usab nga magdala sa authorization letter.
Gidugang ni Gayla nga sa mga dunay pay pangutana, pwedeng motawag sa telephone numbers 856-2679 or 856-4778.
