Provincial Government sang South Cotabato ikonsiderar ang pag-augment sang mga body camera nga gamiton sang mga kapolisan sa drug operation.

Handa ang provincial government suno kay South Cotabato Board Member Agustin Demaala, Representative of the Governor sa Provincial Anti- Drug Abuse Council ukon PADAC nga mag-augment sang dugang nga body camera agud nga gamiton sang mga kapolisan dire sa probinsya sa ila nga drug operations.
May-angot sini, iya nga irekomendar kay Governor Daisy Avance Fuentes ang pag-augment sang body camera sa mga kapolisan dire sa probinsya matapos nga wala pa ang mga ini sang magamit.
Suno kay Board Member Demaala nga daku gid ang mabulig sa paggamit sang body camera sang mga katapo sang kapolisan sa ila nga drug operations agud nga mamonitor kag malikawan nga madudahan.
Samtang dapat suno pa nga sa pagbalik sang kapolisan sa drug operations may ginprovide na nga body camera ang PNP para sa mga local police.