Provincial Health Office sang South Cotabato mas ginpabakod ang awareness sang katawhan kontra balatian nga dengue.

26

Mas ginpabakod sa subong sang Provincial Health Office sang South Cotabato ang awareness batok balatian nga dengue tungod padayon ang pagsaka sang kaso sini sa subong.

Suno kay Dr. Rogelio Aturdido Jr., Provincial Health Officer sang South Cotabato halin Enero tubtob Hunyo 8 subong nga tuig naglab-ot na sa masobra 2,100 ang kaso sang balatian nga dengue sa probinsya kag 13 ang patay.


Nahibaluan nga sang nagligad nga semana ginpatigayon nila ang aktibidad sa Asian Dengue Day sa Barangay Cannery sa banwa sang Polomolok nga nakasentro sa awareness.
Ginkumpirmar man ni Dr. Aturdido nga wala man sang mga banwa dire sa probinsya ang nagdeklarar sang outbreak tungod wala man nagapadayon ang pagsaka sang kaso sang balatian nga dengue kada semana.

May-angot sini, ginarekomendar ni Dr. Aturdido ang pagsunod sang iban nga banwa sa ginahimo sang Polomolok agud mapanubo ang kaso sang ila balatian nga dengue kapareho sa pagpatigayon sang vector mapping kag search and destroy.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments

From Advertisers