Pormal nang gi-turn-over sa mga opisyales sa Cagayan de Oro Bulk Water Inc. kon COBI ngadto sa mga officials sa Cagayan de Oro Water District o COWD kagahapon sa buntag ang ilang bag-ohay pa lamang natapos nga pag-retrofit and water Proofing sa dako nga reservoir sa COWD nga naa sa Barangay Camaman-an ning syudad sa Cagayan de Oro.
Si COBI General Manager Rodrigo Yabut, maoy pormal nga nag-turn-over sa maong proyekto ngadto ni COWD General Manager Benvienido Batar Jr. atol sa Turn-Over Ceremony kagahapon sa buntag sa Barangay Camaman-an.
Ang maong Turn-over Ceremony, gisaksihan nila Mayor Oscar Moreno, Atty. Laurence Rogero ang President sa COBI, COWD Board Chairman Eduardo Montalvan ug uban pang mga opisyales sa Metro Pacific ug COWD.
Matud ni Yabut nga ang ilang pag-retrofit ug pag-water proof sa higanting reservoir sa COWD mikabat sa kapin unom ka bulan ug migastog 26 million pesos.
“Ang COWD na ang mag-maintain nito” matud ni Yabut sa Interview sa mga reporters.
Gibutyag ni Yabut nga ang 26 million nga ilang gasto sa COBI sa pag-retrofit ug water proof sa reservoir sa COWD sa Barangay Camaman-an tipik lamang sa 251 million pesos nga investment sa COBI aron ma-supisinti ang supply sa tubig sa esteng bahin sa Cagayan de Oro.
Matud ni Yabut nga nag-invest ang COBI sa 251 million pesos nga pundo aron magkutay sila sa 9 kilometers nga tubo ug dunay 600 millimeter in diameter gikan sa Sitio Taguanao, Barangay Indahag, ngadto sa higanting reservoir sa COWD sa Camaman-an aron ilang mahatagan sa supisinting supply sa tubig ang esteng bahin sa Cagayan de Oro.
Gibutyag ni Yabut nga sa kataposang adlaw sa November or sa unang semana sa December ilang gitarget nga ila nang madeliver sa COWD ang unang 20 Million Liter per Day o MLD nga volume sa tubig alang sa Eastern Part sa Cagayan de Oro.
Matud ni Yabut nga ang Camaman-an nga reservoir sa COWD mao ang magsupply sa tubig sa kapin 15- thousand ka mga households sa Barangay Camaman-an, Lapasan ug Gusa.
Gibutyag usab ni Batar nga ang ilang tangki sa tubig nga gi-retrofit sa COBI, dunay kapasidad nga mokabat sa 5,300 Cubic meter.
Matud ni Batar nga mokabat nag kapin sa 20 ka tuig ang maong tangke ang wala magamit sa COWD kay walay tubig nga ilang isulod sa maong tangke nga gitukod sa COWD niadtong dekada 80.
Gibutyag ni Batar nga sigon sa ilang kontrata tali sa COBI nga ang maong bulk water supplier, mo-supply sa COWD ug tubig nga 40 MLD alang sa Eastern Part sa Cagayan de Oro.
“Sa first phase 20 MLD pa ang ilang i-supply sa water district ug tingali mag-start kana sa last week of November or first week of December, then ang 2nd phase, another 20 MLD nasad to make it 40 MLD alang sa eastern part sa Cagayan de Oro” matud ni Batar.
Sa ilang kabahin
Giila ni Mayor Oscar Moreno nga ang maong turn-over ceremony usa ka mile stone project sa COBI ug COWD.
Matud ni Moreno nga sukad mi-intra ang Metro Pacific sa Utility Business sa Cagayan de Oro, hinay-hinay nga misabay ang water district sa pagsaka sa economic activity ning syudad.
Gipasamatan ni Moreno ang Management sa COWD ug ang ilang Board ug director nga naghatag sa insaktong direksyon sa Water District.
