General Santos City— Aduna nay person of interest ang Police Station 4 sa pagpusil patay sa kanhing piniriso nga si Kimbo Saglato nga taga baguio city nga una ng gipusil milabay’ng semana samtang sakay kini sa taxi padulong unta sa Gensan City Internationmal Airport uban ang abugado ug asawa niini
Sumala kang Police Senior Inspector Lemuel Enrijo, OIC sa Police Station 4 nga basi sa pamahayag sa asawa sa biktima, wala siya nasayod nga nalambigit sa illegal nga aktibidad ang iyahahg mister tungod kay maayo ang pag panaghid kanila nga mu-adto sa Gensan ang bana aron nga mag trabaho aron nga adunay idugang sa pagpa opera sa iyahang asawa nga adunay ovarian cyst.
Dugang pamahayag ni PSI Enrijo nga posibleng usa ka organisadong grupo ang gikalambigitan sa bikitmang si Salgato rason nga wala na kini gitugutang makagawas ug Gensan.
Dako matud pa ang posibilidad nga mga kaubanan niini sa grupo ang responsible sa pagpatay kaniya aron nga dili mabulabog ang ilhanan sa iyahang mga kaubanan. Sa karon matud pa nangayo na sila ug tabang ngadto sa mga kasibkbit nga mga lugar sa rehiyon aron makakuha ug impormasyon batok sa maong grupo.
