Davao de Oro-Dakpan sa hiniusang pwersa sa Philippine Drug Enforcement Agency XI ug Nabunturan PNP ang usa ka public school teacher ug laing lima pa ka mga suspek atol sa gilusad nga buy-bust operation sa Purok 2, Poblacion, Nabunturan, Davao De Oro niadtong May 1, alas 8:55 sa gabii.
Sa report, gisuspetsahang usaka drug den maintainer ang nasikop nga giilang si Dowe Eve Lago Tagud, 40 anyos, single, public school teacher ug Provincial Target Listed Drug personality number 4 sa Davao De Oro.
Napalitan sa poseur buyer ang dinakpan og gituohang shabu diin lakip sa nasikop ang giingong mga sa suspected drug den nga sila Aileen Aberca, Marlyn Panon, Alejandro Tagud Jr., Jomar Tañeza ug Darwin Tusay.
Nasakmit sa mga operatiba ang gituohang mga shabu nga mukantidad sa dul-an P170,000.
Balhug sa prisuhan ang dinakpan ug mag atubang og kasong Article II of Republic Act 9165 kun Comprehensive Dangerous Drugs Act Of 2002.
Radyoman Renz Barbarona
