Giawhag karon sa City Social Welfare and Development kon CSWD ang katawhan ning syudad nga dili mohatag og limos sa kadalanan.
Ang paghatag og limos dakong supak sa balaod, base sa Presidential Decree number 1563 o Anti Mendicancy Law of 1987.
Matud ni CSWD Head Teddy Sabugaa, nga kung adunay buot nga motabang sa mga kabataan, mahimong ipaagi sa ilang buhatan, aron ang mga personahe na mismo ang mopaabot sa gasa nga ihatud sa nagkadaiyang centers ning syudad, diin abandonado o biktima sa pagpangabusong kabataan ang makapahimulos sa gasa.
Alayon niini, giklaro usab sa Department of Social Welfare and Development kon DSWD nga ang paghatag og limos sa mga kabataan diha sa dalan, makadaut sa ilang panghunahuna ug mawad-an og gana sa pagpadayon sa pagtuon ug pagpanarbaho.
By; Radyoman Aiza Enloran and Ellah Baculio
