Kalibo, Aklan — Gina ingganyo it World Wildlife Fund (WWF) Philippines rong mga pumueoyong Pilipino nga magbuylog sa Earth Hour 2019 sa maabot nga Marso 30 adlaw nga Sabado.
Raya hay maga umpisa alas 8:30 hasta alas 9:30 it gabii bilang pagbuylog sa pagtinguha it bilog nga kalibutan nga sukean rong climate change.
Suno sa WWF Philippines President and CEO Joel Palma, sa dag-on ngara pagataw-an it igtaeopangud kung ano ag kung paano maging kaparte it krusada paea eowason do planeta.
Tuyo man kara nga maipakita sa pumueoyong Pilipino sa bilog nga kalibutan rong pagbilog para sukean rong climate change ag rong pag promote it malimpyo, bugana ag green Earth.
Ginpahayag man it WWF Philippines, nga sa nagtaliwan nga napueong dag-on, rong Earth Hour hay nagtao it inspirasyon sa mga indibidwal, komunidad, negosyo ag organisasyon sa sobra 180 ka nasyon ag teritoryo para makahimo it importanteng tikang para sa palibot.
