Gipahinomdom karon sa Cagayan de Oro City Police office kon cocpo sa general public nga likayan ang pag-supak sa mga balaod ning syudad, nga nagtumong pagpanalipod sa panglawas sa katawhan gikan sa corona virus.
Matud ni cocpo spokesman Police Major Evan Viñas, nga istriko na karon ang kapolisan sa pagpatuman sa mga executive order ni Mayor Oscar Moreno, nga naglakip sa no face mask no entry policy, social distancing policy, stay home policy, liquor ban, ug curfew hour.
Matud ni Viñas nga kadtong makalapas sa mando nga community quarantine ni mayor Moreno, ila dayon nga pasaka-an ug kaso, sa City Prosecutors office Kay matud ni Viñas, nga ilang gigamitag ngipon ang implementasyon sa mando sa mayor, aron ma-edokar ang pobliko,labi na sa Stay home policy.
