Malaybalay City, Bukidnon – Gipahinumduman ang publiko kalabot sa balaud nga Republic Act no. 9003 kon Solid Waste Management Act.
Sa interview sa RMN Malaybalay ngadto kang Valencia City Councilor Glenn Peduche gibutyag niini nga tulubagon sa tanang katawhan ang pag-atiman ug paghipos sa mga basura aron ma protektahan ang kinaiyahan.
Matud ni Peduche nga susama sa cellophane ug mineral bottle, dili kini malata bisan sulod pa sa 200 ka tuig.
Gipangugat sa konsehal nga mao kini ang hinungdan sa mga baha tungod sa pagbara niini sa mga kanal tungod sa pagpasagad ug labay niini bisan asa.
Gidugang pa ni konsehal Peduche nga ang problema sa basura dili lamang sa Valencia City o kaha sa Bukidnon kon dili tibook nasud maong kinahanglan nga manggilabot ang tanan kalabot niini.
