General Santos City—gipusil ang usa ka pulis samtang nagmaniho sa iyang motorsiklo sa National Highway sakop sa Polonuling, Tupi, South Cotabato.
Ang biktima giilang si PO2 Charlie Liva, legal age, nakabase sa Surallah Municipal Police Station.
Sa inisyal nga imbistigasyon sa Tupi Municipal Police Station, nasuta nga gikan sa Surallah padulong unta sa Police Regional Office-12 ang biktima aron musubmitar sa iyang mga papeles alang sa Promotion, apan pag abot sa Crossing Basak, Polonuling Tupi, didto na kini gipusil sa mga suspek nga nakamotorsiklo.
Nakaangkon ug samad sa iyang ulo ug sa iyang dughan ang nahisgutang pulis kansa gilayong gidala sa Tupi Municipal Hospital. Paspas usab nga nakasibat ang suspek sa wala pa masayring lugar.
Sa karon padayon pa ang gihimong imbistigasyon kalabutan sa insidenti.
Photo Credit to: Jef-Rey Hrmndo
