General Santos City–Aduna nay gina-sundan nga person of interest karon ang Pendatun Police Station 1 sa uwahing pagpamusil patay sa ilahang area of responsibility kung asa giila ang biktima nga si alyas Bojul Garcia nga nanimuyo sa Prk. Baganga, Brgy Apopong ning syudad.
Sumala pa ni Police Captain Abdulsalam Mamalinta ang hepe sa Police Station 1 nga aduna nay kanhing nakalaban ang nasampit nga biktima niadtong Enero 1 sa ilahang lugar kung asa gitigbas matud pa kini sa iyahang silingan sa ulo apan swerteng wala na-antimano.
Personal grudge ang nag-unang motibo nga gina-sundan sa kapulisan kabahin na sa pagpamusil sa nasampit nga biktima samtang padayon nga nangalap ug ebidensya batok sa ilahang suspect.
Kung kahinumduman nga anaa sa Ablog Terminal nga nahimutang sa Daproza Avenue alas 6:50 ang takna sa gabie ang biktima sa dihang kalit lang nga giduolan kini sa suspect ug gipabuthan ug wala pa matinong kalibre sa armas nga miigo sa iyang tiyan nga hinungdan sa iyang kamatayon.(Dave Silagan)
