BACOLOD CITY – Padayon karon nga ginabulong sa ospital ang Deputy Commander sang Police Station 1 matapos nga ini siya ang gin stroke durante nagatambong sa isa ka activity sa compound sang Bacolod City Police Office kahapon sang hapon.
Si Police Insp. Manuel Bandies, assigned bilang deputy commander sang PS1 ang gin-stroke samtang nagatambong sa PCR Activity nga Rehabilitation Wellness Program sa Patnubay Hall sang BCPO may mga las 2 kahapon sang hapon.
Suno sa pulis gindali-dali dala sa Bacolod Adventist Medical Center (BAMC) si Bandies kon diin base sa initial findings, may blood clot sa iya utok gani gin-recommend nga ini ang ibutang sa Intensive Care Unit (ICU)./dyHB BACOLOD
Facebook Comments
