BACOLOD CITY – Padayon karon nga ginabulong sa Corazon Locsin Montelibano Memorial Regional Hospital si Prudencio Montemayor Rosarito, 32 anyos ang edad matapos nga ini ang natiruhan sang mga katapo sang CIDG Bacolod kag naigo sa iya tuo nga kamot.
Ginpahayag nga buot kuntani mag-serbe sang warrant of arrest ang mga katapo sang CIDG kay Rosarito, sa kaso nga Violation of RA 10591 ukon illegal possession of firearms and ammunition sa iya balay sa Prk. Cabugwason Brgy. Mansilingan, Bacolod City.
Apang, suno sa utoridad nga nagbato si Rosarito sa mga arresting officer gani napilitan ang mga utoridad nga ini siya ang tiruhon na gid lamang.
Nakuha sa puluy-an ni Rosarito ang isa ka .45 calibre nga pistol, live ammunitions kag pila ka bala sang M203.
Lakip sa narecover sa balay sang subject ang walo ka empty sachet sang suspected shabu.
Samtang, gindala naman sa Bacolod Adventist Medical Center ang isa ka katapo sang CIDG nga ginasiling natiruhan man ni Rosarito kag gilayon man nga gin-discharge sa ospital.
